کہانی

کتنی کہانیوں کا صفحہ پلٹ کر آپ اس میں سے نکل جاتے ہیں کیونکہ آپ اس کا حصہ نہیں بننا چاہتے!

کبھی اپنے آپ پر انسان کو اس قدر اختیار ہوتا ہے۔

اور کبھی کہانی ہمیں دھکے دیتی رہتی ہے کہ نکلو یہاں سے اور ہم قدم تک نہیں اٹھا پاتے کہ کہ ہم دل کے قدموں پر سب اختیار رکھ چکے ہوتے ہیں۔ایسی کتنی ہی ان گنت کہانیاں تھیں جن کی شروعات میں ہی میں نے کہانی کا دروازہ کھولا اور اس میں سے نکل گئی۔لکھی جاتیں تو ناول بنتے،بنائے جاتے تو سیزن۔مگر نہ لکھنا تھا نہ لکھی گئیں۔مجھے ان خوبصورت کہانیوں کا وجود گوارا نہ تھا۔

سو کتنے ہی دروازے ہم ان میں جھانکے بغیر بند کر دیتے ہیں یہ سوچ کر کہ یہ ہمارے لئے نہیں ۔اور جن کو چھان پھٹک کر چنتے ہیں اکثر ان میں سے جہنم پھوٹ پڑتی ہے۔

“So miss is this The farewell to Arms?”

I smiled and said,”Yes”.

اس” یس ” نے کہانی کا دروازہ ہمیشہ کے لئے بند کر دیا اور میں اس کہانی کو اسی میز پر ادھورا چھوڑ کر اٹھ گئی!

کون جانے کہ کہانی کا یہ موڑ آج بھی اسی میز پر پڑا ہو اور کوئی اور بھی اس نامکمل کہانی کے صفحے کو الٹ پلٹ کر کے دیکھتا ہو!

“I love my prestige!”

پھر زندگی میں ایک مقام آتا ہے کہ انسان سوچتا ہے کہ دنیا میں محبت اہم تھی کہ عزت!

جو پایا وہ بھی بہتر ہے

جو کھویا وہ بھی کچھ کم نہ تھا!

گمان!جو ہمیشہ غلط نکلتے ہیں!

شاید اس دنیا میں کوئی بھی صحیح گمان پانے نہیں آیا

یہاں ہر پہہیلی کا جواب الٹ ہی نکلے گا!تبھی تو بنے گی زندگی آزمائش!

مذہب ہمارے حوصلے کے لئے بنے ہیں! اگر ہمیں یہ گمان نہ ہوتا کہ اس تکلیف کے بدلے کچھ اچھا ملے گا تو ہم زندگی کی آزمائش میں ہوش و حواس کھو دیتے۔سچے ہیں کہ وہم مگر ہماری بقا کے لئے بہت ضروری ہیں۔

___________________

صوفیہ کاشف