وقت

باغ کے گرد پھیلے واکنگ ٹریک پر میرے سامنے ایک جوڑا چلا جا رہا تھا!
عورت اور مرد دونوں کی کمر جھکی تھی،عورت کا وزن ذیادہ تھا اور مشکل سے قدم اٹھا پاتی تھی
مرد کے ہاتھ میں لاٹھی تھی
چال میں کمزوری تھی
واک ٹریک پر دھیرے دھیرے وہ اپنی رفتار سے چل رہے تھے اور شاید دکھ درد کر رہے تھے ۔
میں ان کے قریب سے گزری!
“ہم ساری عمر دوسروں کے لئے جیتے رہے،
بس اب ہم کسی کی پرواہ نہیں کریں گے!”
میں نے ان کے پاس سے گزرتے مرد کے الفاظ سنے۔

تیز قدموں سے چلتی میں آگے نکل گئی
اور دور تک جاتے سوچتی رہی
” اپنے لئے جینے کو اب ان کے پاس کچھ بچا ہے کیا!”

__________

صوفیہ کاشف