نعت از حضرت حسان بن ثابت

ترجمعہ:عمر الیاس

سیدنا حسان بن ثابت ؓ کی جانب سے نبی آخر الزماں ﷺ کی شان میں پیش کئے گئے خراجِ ہائے عقیدت میں سے ایک کا اُردو ترجمہ۔
یہ نعت انہوں نے آقا ﷺ کو پہلی مرتبہ دیکھنے کے بعد کہی۔

جب اُن کا نُور مجھ پر پڑا
میں نے اپنی آنکھوں کو ہتھیلیوں کی اوٹ میں
اِس ڈر سے چُھپا لیا
کہ میری بصارت اس پیکرِحُسن کی تاب نہ لا پائے گی
پَس میں بمشکل ہی اُن کو دیکھ پایا ۔۔۔
دُنیا جہان کی چمک دمک اُن کی تابندہ درخشانی میں گُم ہے
تمام روشنیوں کی جگمگاہٹ اُن کے تابناک اُجالے کے سامنے ہیچ ہے
اور اُن کا چہرۂ مبارک سورج کی طرح منوّر اور چاند کی مانند پُر نُور ہے ۔۔۔
جیسے ایک روشن چراغ سی رُوح چاند سے بدن میں مجسم ہو
یا جیسے ایک خوبصورت چادر ستاروں سے مزیّن ہو۔۔۔
میں اُس تجلّی کو اُس وقت تک تکتا رہا
جب تک کہ میری نگاہیں اس کی مزید تاب نہ لا سکِیں۔۔۔
میں نے ضبط و برداشت کو ست صبر کے پھل کی مانند تلخ پایا
اور میرےدرد کی چارہ گری تب تک نہ ہوئی،
جب تک کہ میری آنکھوں نے
اپنے محبوب ﷺ کےعکسِ خوش اندام کا دیدار نہ کر لیا۔۔۔
وہ ﷺ اگر واضح نشانیاں اور معجزات نہ بھی مرحمت فرماتے،
تو ان کا مبارک و با برکت دیدار ہی
ان کے عالی منزلت رُتبے کی شہادت کے لئے کافی تھا۔۔۔
محمد ﷺ ایک بشر ہیں، لیکن وہ عام انسان نہیں ہیں
وہ تو ایک خالص اور بے عیب ہیرے کی مانند ہیں، اور باقی انسان محض کنکر پتھر۔۔۔
اُن پر بے شمار ، بے حساب اور لامحدود درود ، سلام اور رحمتیں ہوں
کہ شاید ان کی برکت سے اللہ ہم پر رحم فرمائے
اُس دِن، جب جلتی آگ کے شعلے ہر سمت چنگھاڑ رہے ہوں گے۔۔۔
 
When I saw his light shining forth,
In fear I covered my eyes with my palms,
Afraid for my sight because of the beauty of his form.
So I was scarcely able to look at him at all.
The lights from his light are drowned in his light
and his face shines out like the sun and moon in one.
A spirit of light lodged in a body like a moon,
a mantle made up of brilliant shining stars.
I bore it until I could bear it no longer.
I found the taste of patience to be like bitter aloes.
I could find no remedy to bring me relief
other than delighting in the sight of the one I love.
Even if he had not brought any clear signs with him,
the sight of him would dispense with the need for them.
Muhammad is a human being but not like other human beings.
Rather he is a flawless diamond and the rest of mankind is just stones.
Blessings be on him so that perhaps Allah may have mercy on us
on that burning Day when the Fire is roaring forth its sparks.

---

Hassaan Ibn Saabit RA

(This is what he wrote when he met Prophet Muhammad PBUH for the first time)